Asbaabta

COA waxay kaa diiwangalinaysaa xogtaada-qofeed oo noocyada soo socda ah:

• Nambarka aqoonsiga (sida nambarkaaga ajaanibka/shisheeye);
• Xogta aqoonsiga (sida magacaaga, taariikhda dhalashada iyo jinsiga);
• Xogta-xidhiidhka (sida nambarka taleefankaaga iyo cinwaanka emailkaaga);
• Xogta cinwaanka (sida cinwaanka aad deggan tahay iyo cinwaanka goobta hoyga);
• Xogta dokumeentiga (sida nooca dokumeentiga iyo nambarka dokumeentiga);
• Sifooyinka-qofeed (sida xirfaddaada shaqo, xidhiidhka ehelka iyo madadaaladaada);
• Xogta maaliyadeed (sida nambarka akoonkaaga bangiga, xogta dakhliga iyo lacagtaada);
• Xogta isgaadhsiinta (sida qoraallada-wadahadalka iyo qoraallada);
• Xogta xeerka/hawlgalka (sida xogta la xidhiidha dacwaddaada magangalyada).
• Sawirrada qofka

Ta ka sokow, waxay laga yaabaa in COA diiwangaliso xogtaada-qofeed ee khaaska ah. Tani waa xogta muujinaysaa kuwa soo socda:

• Midabka (rayska) amba qolada/qabiilka aad ka tirsan tahay;
• Iimaanka amba diinta.

Iyo diiwangalista suurtogalka ah ee:

• Sifooyinka-qofeed (tusaale, faraha) si loo xaqijiyo qofka aad tahay;
• Xogta ku saabsan caafimaadkaaga;
• Xogta laga helay sharciga ciqaabta.

COA waxay si toos ah uga heli kartaa xogtaada-qofeed adiga amba qareenkaaga. Waxaannu macal ka heli doonnaa adeegyada kale ee dowladda iyo ururrada (bulshada) ee ku lug leh dacwaddaada magangalyada, hoygaaga iyo hagiddaada, amba daryeelkaaga.

Hoos waxaa ku yaal adeegyada dowladda iyo ururrada (bulshada) ee suurtogalka ah oo ay COA ka hesho xogtaada. 

Adeegyada wasaaradda Cadaaladda iyo Amniga

• Dienst Terugkeer en Vertrek (DT&V)
• Immigratie- en Naturalisatiedienst (IND)
• Booliiska iyo qeybahooda-hoosaad sida Waaxda Booliiska ee ajaanibka, Identificatie en Mensenhandel (AVIM)
• Dienst Justitiële Inrichting (DJI) iyo qeybteeda-hoosaad ee Dienst Vervoer en Ondersteuning (DV&O)

Lammaanayaasha wada-shaqeynta kale

• Koninklijke Marechaussee (KMar)
• GezondheidsZorg Asielzoekers (GZA)
• Ururka Nidos (machadka mas'uul-qaadka (qoyska) ee madaxa-banaan ee Nederlaan)

COA waxay diiwangalinaysaa xogtaada-qofeed si ay u bixiso hoy iyo hagitaan inta dacwadddaada magangalyada ee Nederlaan (ujeedadayada ugu wayn) kuu socoto. Yoolkaas ayaa weli ah mid aad u ballaadhan waxaana loo qaybin karaa dhowr yool (oo iswaafiqaya). Yoolkayaga ugu muhiimsan waa:

• Bixinta hoy iyo hagidda. Hoygu wuxuu ka kooban yahay aqallayn, bixinta iyo helitaanka caawimada aasaasiga ah sida daryeelka caafimaadka ee goobahayaga COA.
• Bixinta hagidda goobta COA, oo ay ku jiraan: 
  - taageerka isku diyaarinta ku noolashaha Nederlaan amba dibadda ee mustaqbalka; 
  - kaa caawinta isdaryeelka naftaada ee goobta hoyga iyo mustaqbalka; 
  - hagidda xagga waxbarashada, guriyeynta, isxoraynta, dhexgalka iyo ka qaybgalka bulshada amba laabashada;
• Fulinta maamulka deegaanka (ku hubisadka degenaansho nabadgelyo leh), tusaale ahaan booqashada iyo kormeerka qol, qorista iyo xafidka calaamadaha ka ganacsiga dadka & tahriibinta dadka iyo qorista iyo xafidka dhacdooyinka (dhacdooyin aan fiicneyn).
• Lagaa taageero isku diyaarinta qaangaadhnimada haddii aad tahay ajnaabi qaangaadhin oo lala socon (Halkan kadib: 'amv').
• Joojinta hoygaaga, oo ay ku jiraan: 
  - taageeridda isku diyaarinta degmada degi doontid; 
  - dhexdhexaadinta guriyeynta degmada; 
  - hagidda laabashada iskaa amba qasabka ah ee dalkaagii amba dal Dublin ah.
• U hawlgalka nabadgalyada iyo goob lagu noolaan karo. Adiga oo kaliya maaha ee macal deegaanka kale iyo/amba shaqaalayaasha COA. Tusaale ahaan la garto, qoro iyo xafido wargelinnada ku saabsan dagaalka/cartanka, rabshadaha iyo dhacdooyinka kale.
• U hawlgalka xaalad gurmad, sida shil amba jirro u baahan daryeel degdeg ah.
• Samaynta daraasaddo guud oo kala duwan si weliba loo horumariyo hoyga iyo hagidda COA.  

COA waxay kaliya diiwangelin kartaa xogtaada-qofeed haddii uu jiro 'saldhig xeereed'. Saldhiggani wuxuu hoggaansanaya AVG. Sababaha kor lagu soo magacaabay (su'aasha 3), COA waxay eegaysaa in isticmaalka xogtaadu ay laga maarmaan u tahay:  

• in ku filan inta xeerku COA waajib kaga dhigayo
• ilaalinta danaha muhiimka ah ee adiga amba qof kale
• si loo fuliyo hawl qiimo guud amba hawl khusaysa maamulka guud ee COA.

Amba waxaad siisay COA oggolaansho ay u isticmaali karto xogtaada sabab gaar ah. 
Inta badan, COA waxay u isticmaashaa xogtaada si ay u bixiso hoy iyo hagid wanaagsan. Hawshan waxaa COA looga dhigay xeer ahaan waajib. Xogtaada la'aanteed suurtogal maaha inaannu si sax ah iyo dhammaystiran loo fuliyo hawshan.

Waxaa dhici kartaa in ay COA xogtaada-qofeed ay la wadaagto cid kale. Dabcan, COA tan waxay kaliya samaysaa haddii ay jirto sabab wanaagsan. Tusaale ahaan, sababtoo ah tani waxay laga maarmaan u tahay hoygaaga iyo hagiddaada.

Xaaladaha qaarkood, COA waxaa xeer ahaan waajib ku ah inay xogta-qofeed diiwangaliso iyo inay siiso cid saddexaad, sida Booliiska oo la xidhiidha dembi-baadhis amba Autoriteit Persoonsgegevens (AP). 

COA waxay la wadaagtaa kaliya xogta laga maarmaanka ah; iyo kaliya dadka u baahan xogta si ay u gutaan shaqadooda. Qollooyinka kale sida COA waa inay si taxadar leh u macaamilaan xogtaada-qofeed. Halkaas waxaannu ka samaysanaa ballammo waadix ah. 
  
Hoos ka akhri ururrada COA ay la wadaagi karaan xogtaada. 

Hay'adaha wasaaradda Cadaaladda iyo Amniga

• Dienst Terugkeer en Vertrek (DT&V)
• Immigratie- en Naturalisatiedienst (IND)
• Booliiska iyo qeybahooda-hoosaad sida Waaxda Booliiska ee ajaanibka, Identificatie en Mensenhandel (AVIM)
• Dienst Justitiële Inrichting (DJI) iyo qeybteeda-hoosaad ee Dienst Vervoer en Ondersteuning (DV&O)

Zorgpartners

• GezondheidsZorg Asielzoekers (GZA), ee dhakhtarka iyo Daryeelka
• MediFirst
• Regeling Medische zorg Asielzoekers (RMA), ee caymiska caafimaadka DSW
• Gemeentelijke of Gemeenschappelijke Gezondheidsdienst iyo Geneeskundige Hulpverleningsorganisatie in de Regio (GGD iyo GHOR)

Lammaanayaasha wada-shaqeynta kale

• Koninklijke Marechaussee (KMar)
• Internationale Organisatie voor Migratie (IOM);
• Ururka Nidos (machadka mas'uul-qaadaha (qoyska) ah ee madaxa-banaan ee Nederlaan)
• Vluchtelingenwerk Nederland (VWN)
• Veilig Thuis (xarunta-wargelinta rabshadaha qoyska iyo xadgudubka carruurta)
• Expertisecentrum Mensenhandel en Mensensmokkel (EMM)
• Centraal Bureau voor de Statistiek (CBS)
• Dienst Uitvoering Onderwijs (DUO)
• Rijksinstituut voor Volksgezondheid en Milieu (RIVM)
• Rode Kruis
• Takecare BnB (qoyska martida loo yahay)
• Xonar.

Qeybaha kale ee lammaanayaasha wada-shaqeynta

• Degmooyinka
• Bangiyada
• Qaadayaasha sida tagaasida iyo shirkadaha basaska-taraagga dheer
• Machadyada waxbarashada sida xarumaha xannaanada carruurta iyo dugsiyada
• Kormeerayaasha qaranka, adeegyada caawimada, kormeerayaasha amba masuuliyiinta garsoorka ee fulinta waajibaadka xeerka amba lacalla xaaladaha gurmadka ah
• Qareennada deegaanka ee u doodaya iyo matalaya dantaada
• Qareennada, xisaabiyeyaasha iyo hantidhawrayaasha ee matala danaha COA
• Caymisyada qaabilsan caymiska mas'uuliyadda (qaadhaanka-magta) ee magangalyo-doonka
• Adeegyada turjumaadda
• Adeegyada ilaalinta sida Trigion
• Lammaanayaasha wada-shaqeynta oo diiradda saara carruurta ku jirta hoyga amba dhallinyarada lala socon (amv). Xogtaada-qofeed waxay ku sii jiri doontaa gudaha Midowga Yurub ilaa inta COA ay mas'uul ka tahay xogtaada.

Haddii ay tahay inay COA xogtaada u dirto dal amba urur ka baxsan EU, tan marwalba si ammaan ah ayaa loo sameeyaa. 

COA ma xafido doonto xogtaada muddo ka badan inta laga maarmaanka ah oo lagaa gaadhayo yoolalka jira. COA waxay ku xafidaysaa xogtaada 'faylka deegaanka'. Waxaa jira xeerar ku saabsan inta xogtaada halkaas lagu xafidi karo. Warbixinta faylka waxay COA ku xafidi kartaa ilaa 20 sanno kadib marka faylka la xidho. Dhammaan warbixinta ku saabsan dhaqaalahaaga waxay COA xafidi kartaa ilaa 7 sanno kadib marka faylka la xidho. 

COA waxay falowgeed galaysaa in xogtaadu ilaalsan tahay iyo aan si xadgudub ah loo isticmaalin. COA waxay u ilaalinaysaa xogtaada si waafaqsan xeerarka ay dowladdu u samaysay. Ta ka sokow, dhammaan shaqaalayaasha COA iyo huraannada waa inay xogtaada qariyaan.

AVG waxay ku yeelaysaa xuquuqo kala duwan. Waxaad mararka qaarkood xaq u leedahay:

• xogtaada-qofeed ee COA kaa isticmaasho ayaad fiirin karta;
• xogtaada in la (laga) beddelo; 
• tan lagaa tirtiro;
• ka doodi kartid isticmaalka xogtaada-qofeed; 
• falowgeed la galo in xogtaada in yar laga isticmaalo; 
• xogtaada dhijitaal ahaan laguu siiyo. 

Haddii aad rabto inaad isticmaasho mid ka mid ah xuquuqahaaga, kala xidhiidh COA xogta hoos ku taal (eeg farqadda 9).

COA waxay codsigaaga ku dhammeyn doontaa sida ugu dhakhsaha badan, si kastaba ahaatee bil gudaheed. Haddii ka jawaabista codsigaaga uu qaadan doono wakhti dheer, waxaad tan ku maqli doontaa bil gudaheed. COA waxay marwalba isku dayaysaa inay kaa caawiso codsigaaga sida ugu macquulsan, balse taasi marwalba suurtogal maaha amba lama oggola. Waxaa laga yaabaa inay jiraan sababo wanaagsan oo lagugu diidi karo codsigaaga. Tusaale ahaan, COA waxaa laga yaabaa inay xeer ahaan waajib ku tahay inay xafidaan xogtaada. 

Ka sokow xuquuqaha kor lagu magacaabay, waxaad u caban kartaa Autoriteit Persoonsgegevens (halkan kadib: ‘AP’). AP waxay kormeertaa in ururradu hoggaansadaan xeerka asbaabta ee Nederlaan. Ma qabtaa cabasho? Fadlan marka hore kala xidhiidh COA ka hor inta aanad la xidhiidhin AP. Marwalba waxaannu ku dadaalaynaa inaannu ku xallino cabashadaada si waafaqsan rabitaankaaga. Xogta-xidhiidhka ee AP waxaa laga heli karaa website-ka www.autoriteitpersoonsgevens.nl.

Ku xisaabtan in COA laga rabo inay kaa hubiso aqoonsigaaga/qofka tahay marka su'aalo amba codsiyo qabtid. Tan waxaa loo sameeyaa si COA uga hortagto inay ku khaldamin xogtaada-qofeed qolada ay la wadaagayso amba xogtaada si khaldan u beddelin.

Dhammaan go'aamada ay COA gaadho marka ay gudaneyso hawl hoyga ah waxaa sameeya shaqaalayaasha COA ee weligood ma sameeyaan habdhisyada tooska ah (kombiyuutarro). 

Waxaa laga yaabaa inaad su'aalo, codsiyo amba cabashooyin ku saabsan isticmaalka xogtaada ee COA qabto. Markaa waxaad la xidhiidhi kartaa khadka warbixinta ee COA. Tan waxaa laga sameyn karaa emailka amba boostada. COA waxay isku dayaysaa inay sida ugu dhakhsaha badan uga falceliso, si kastaba ahaatee bil gudaheed. Haddii xaalad gaar ah jirto, ugu badnaan saddex bilood ayay qaadan karta.

Cinwaanka emailka: 
info@coa.nl 

Cinwaanka boostada:
Centraal Orgaan opvang asielzoekers 
Postbus 30203 
2500 GE Den Haag

COA waxay kaloo leedahay Functionaris Gegevensbescherming (FG). Sarkaalkan ayaa ka shaqeeya wasaaradda Amniga iyo Cadaaladda, wuxuuna qaabilsan yahay hawsha muhiimka ah ee kormeerka hoggaansiga COA ee AVG. 

Xogta- xidhiidhka ee FG: 
fg@minjenv.nl khuseeya COA